AFIS pillugu apeqqutit akissutillu

AFIS-operatøri – mitsitsisartoq sulerisarpa?
Mittarfimmi mitsitsisarfimmiippugut. Tassani suliassat akimanersaraat radiukkut timmisartunik oqaloqateqarnissaq minnissaannut, ajornanngitsumik pitsaasumillu tinginissaannut paasissutissillugit.
Mitsitsisartutut AFIS-operatøritut aamma pissanganartunik allanik suliassaqarputit. Silamik nalunaarusiortassaatit, taamaalillutik timmisartortartut silap qanoq innera nalilersinnaallugu silasiortullu silamik siulittuinissaminnut paasissutissanik pissarsillutik. Mittarfik misissorneqassaaq sumiissusersiutillu misilittarneqarlutik. Immikkoortunut allanut attaveqarsinnaallutillu ataqatigiissaarisinnaassaatit
AFIS-operatøri aamma timmisartortartunit naatsumik ilisimatinneqartarpoq timmisartuussinissallu pilersaarusiorlugit. Tamanna timmisartortartunik qanittumik nuannersumillu attaveqarnermik pilersitsisarpoq, ilaasunik timmisartuussisartunik nunarsuarmillu kaajallaaniartunik. Ulluinnarni sulininni timmisartut assigiinngitsorpassuit sullittussaavatit soorlu timmisartut ataatsimik marlunnillu motorillit namminersortunit pigineqartut, Air Greenlandip qulimiguuliutai Dash 8-nit, Timmisartut sukkasuuliat Challengerit, Boeing 757-t, Herculesit allarpassuillu.
Suliassat annertussusaat allanngorartupilussuupput, ullut ilaanni eqqissisimanarluni allanili angallannikkut ulapaarfiulluni, amerlasuunik suliassaqarsinnaalluni, taamaalillutit ataatsikkut arlalinnik suliaqarsinnaanerit misilittarneqarluni.

AFIS-operatøri sumi sulisarpa?
Mittarfeqarfiit nunatsinni mittarfiit AFIS-it aqqaneq marluk ingerlatarai: Qaanaami, Upernavimmi, Qaarsuni, Ilulissani, Aasianni, Sisimiuni, Maniitsumi, Nuummi, Paamiuni, Narsarsuarmi, Kulusummi Nerlerillu Inaanni. Taakkunani timmeriaatsit assigiingitsorpassuit aqqusaassavatit, issittumi silaannarik kiisalu qaqqanut, apummut ilulissanullu isikkivik kusanarluinnarluni. Misigisassarsiorusukkuit Kalaallit Nunaata ilarujussua takusinnaassavat Qalasersuarmullu 1.300 kilometeriinnarnik kujasinnerusumi mittarfinni sulillutit. Aamma sorsunnersuarmi kingullermi amerikamiut sakkutooqarfigisimasai maannakkut sakkutuujunngitsunut mittarfiusut nunavittallu arkornanni nunniffiusarlutik. Mittarfiupput takornariarpassuit nunarsuarmit tamarmit ornigartagaat iigartartut ilulissallu takuniarlugit.

AFIS-operatøritut mitsitsisartutut ilinniarneq sumut allamut atorsinnaavara?
Mitsitsisartutut uppernarsaateqarlutit silaannakkut angallannerup iluani suliassanut allanut pissanganartunut ingerlariaqqinnissannut periarfissaqarputit. Ilinniarfitsinni ilitsersuisunngorsinnaavutit, ukiunillu pingasunik misilittagaqaleruit mitsitsisarnermut pisortanngorsinnaavutit. Mitsitsisartutut ilinniarsimaneq aamma timmisartortartunngornissamut aqqutissaalluarpoq. Ilinniaqqillutit timmisartortartunngorsinnaavutit – nalinginnaasumik taamaallaat timmisartortartunngorniarsinnaavutit 25-nik ukioqaruit imaluunniit suli ukiukinnerullutit, AFIS-imillu uppernarsaateqaruit ukioqqortussusissaq 35-inut killeqarpoq. AFIS-operatørerpassuit aamma mittarfinni pisortanngorsimapput imaluunniit timmisartuutileqatigiinni soorlu iliuuseqarnermut ataqatigiissaarisunngorsinnaallutit.

AFIS naalisagaasoq qanoq isumaqarpa?
AFIS tassaavoq Aerodrome Flight Information Servicemit naalisagaq. Tassalu: Mittarfimmi timminissanut paasissutissiisarneq.

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores hotel i Narsarsuaq

Læs mere