Tigusaaneq

Qinnuteqartunut suut piumasaqaataappat?

Pingaarnertut nunatsinni mittarfimmi sulinissat naatsorsuutigissavat. Ilinniarnertuujunissat assigisaanilluunniit piumasaqaataanngilaq. Inuussutissarsiornikkut misilittakkat ilinniarnerit suulluunniit ilinniarnerup naammassinissaanut iluaqutaasinnaasut soorunami pitsaaqutaapput. Pissutsit ilinniakkamut attuumassuteqartut tassaapput: Tuluttut qallunaatullu pikkorissuunissaq, niaqqumoorsinnaaneq, suleqatigiinneq, pinartoqartillugu eqqissisimasinnaaneq, qarasaasiamik atuillaqqinneq, akisussaassuseqarluarneq, eqqaamallaqqinnerlu. Aamma peqqissutsimut atatillugu misissorneqassaatit kiisalu tigusaanissamut misilitsissallutit ilinniarfiup ingerlataanik.

Qanoq qinnuteqassaanga?

Sulisussanik pisariaqartitsineq apeqqutaatillugu ukiumut ataasiarluni marloriarluniluunniit qinnuteqartitsisoqartarpoq. Nammineerluni qinnuteqarnerit tikilluaqquneqartuaannarput. Qinnuteqarnissamut piffissap naareernerani qinnuteqartut taamaallaat akuerineqassapput inuttaliinissamut pisariaqartitsineq naammassineqarsimanngippat. Ilinniarnermut qinnuteqarfissanik immersugassaqanngilaq. Taamaattumik qinnuteqarnermi pitsaasuuvoq ’Qinnuteqarnissamut ilitsersuummi’ apeqqutit akisimanissaat.

Tulliani qaqugu AFIS-imi ilinnarneq aallartissava, qaqugulu tigusaanissamut misilitsittoqassava?

Nalinginnaasumik aggustimi tigusaanissamut misilitsittoqartarpoq ilinniarnerlu septembarimi oktobarimiluunniit aallartilluni. Sukumiinerusumik paasisaqarusukkuit AFIS-imi ilinniarnermut immikkoortortaq attaveqarfigisinnaavat mailikkut afis-elev(at)mit.gl imaluunniit oqarasuaatikkut +299 55 54 88.

Tigusaanissamut misilitsinneq

Tigusaanissamut misilitsinnerit ilinniarnerup aallartinnginnerani piffissaqarluarluni ingerlanneqartarput. Danmarkimi nunatsinniluunniit ingerlanneqarsinnaapput. Tigusaanissamut misilitsinneq akunnernik 6-8-nik sivisussuseqartarpoq, qallunaatut, tuluttut mittarfinnilu naatsorsuinermi misilitsittoqartarluni. Qinnuteqartup piukkunnassusia aamma oqaloqatiginerani nalilerneqartarpoq.

Piareersarnissat kissaatigigukku atuakkianik atuarnissaq innersuussutigissavarput kiisalu timmisartuussinermut atuakkanik qallunaatut tuluttullu. Soorlu atuakkiortut makku Richard Bach, Antoine de Saint-Exupery, Ernest K. Gann, Bob Hoover, Tony Jonsson, Chuck Yeager, qallunaatullu Peder Hove aamma Søren Bertelsen.

Tigusaanissamut misilitsereernermi

Tigusaanissamut misilitsinnerit tamarmik ingerlanneqareerpata qinnuteqartut angusisut tamarmik nalilersorneqassapput ilinniartussallu kattunneqarlutik. Tigusaanissamut misilitsinnerup siulliup kingorna qaammat ataaseq qaangiutsinnagu tamarmik nalunaarfigineqassapput. Qinnuteqartut piukkunnartut ilinnialersussat attaveqarfigineqassapput nakorsamit misissortinnissaat pillugu, taannalu MIttarffeqarfiit ilinniarfianit aaqqissuunneqassaaq. Aningaasartuutit Mittarfeqarfinnit akilerneqassapput. Piareersimaffigissavat angalanermut akiliigallarnissat kingornalu aningaasartuutitit utertinneqassapput.

Ilinnialerneq/nakorsamit uppernarsaat

Tigusaassagaanni nakorsamit misissortinnermi uppernarsaammik Medical Certifikatimik pissarsisimasariaqarpoq, tassalu misissortinneq naammaginartumik kinguneqarluni. Taamaattumik nakorsamit misissortinnerup inernera tuaviortumik ilinniarfiup attaveqaataanut nalunaarutigiuk. Nakorsamit uppernarsaatip assilinera kingorna ilinniarfimmut nassiunneqassaaq.

Akileraartarnermut tunngasut

Ilinniarneq qaammatinit arfinilinnit sivisunerummat najukkat ilinniarfimmut nuutsittariaqarpat, Kommune Kujallermut. Qallunaat ilinniartut nuunnginnerminni nammineq kommunerisaminni Danmarkimi akileraannginnissaminnik akuerisaassapput. Tamanna pissaaq atorfininnermut uppernarsaat Mittarfeqarfinnit suliarineqartussaq atorlugu.

Nassatat

Ilinnialernermi timmisartukkut assartukkat 75 kilo nassarneqarsinnaapput imaluunniit umiarsuakkut 200 kilo Narsarsuarmi iliniarfimmut tikinnermi kingornalu nunatsinni mittarfimmi sulilernermi. Paasissutissat sukimiinerusut tigusaareernerup kingorna nassiutissavagut.

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores hotel i Narsarsuaq

Læs mere