Mitsitsisartunngornissamut ilinniartut nutaat

Mittarfimmut silamullu tunngasunik paasissutissanik timmisartunut ingerlatitseqqittartutut (AFIS-operatøritut) ilinniartut nutaat atuagarsorlutik ilinniarnertik marsip aallaqqaataani naammassivaat. Mittarfinni nunatsinni tamaniittuni sulinissaminnut piginnaasamillu Mittarfeqarfinni atornissaannut taamaasillutik piareerput

AFIS-operatørinngorniatut, taamalu mittarfinni taakkulu silaannartanni silaannakkut angallannerup isumannaatsumik ingerlanneqarnerata ingerlajuarnissaata qulakkeeqataaffiginissaanut, ilinniartut ilinniarnermik ingerlaneranni sammisaat imartuujupput, ilaatigut makkunannga imaqartut:

  • Equipment – Timmisartornermi atortunut tunngassuteqartoq, soorlu RADAR, radio il.il..
  • Sumiissusersiorneq – Pineqarpoq tunngaviusumik sumiissusersiornermik ilinniarneq, timmisartortartoq qanoq sumiissusersiortarnersoq, nunap assingi atuaasarneq il.il..
  • Silap pissusaa aamma silasiorneq
  • Inatsisit aamma aalajangersakkat
  • Nunani tamalaani timmisartornermi inatsisinik kiisalu inatsisinik nunatsinni atuuttunik ilinniartinneqarneq
  • Silaannakkut angallassisunik kiffartuussineq
  • Kiffartuussinerit suut piuppat, suleqatigiinnermi malittarisassat il.il.
  • Timmisartut – Tunngaviusumik timmisartut qanoq atuuttarnersut, taakkua atortui, timmisartut assigiinngitsut il.il.
  • Inuup piginnaasusaa – Inummut tunngasut, piginnaasaqqortussutsimik ilinniartinneqarneq aamma killissanik. Uisarusernerup iliuuseqarfiginissaanut il.il. ilinniartinneqarneq
  • Radiotelefoni – Oqaatsit, danskisut kalaallisullu, isumaannik ilinniarneq
  • 3D atorlugu piviusuusaartitsilluni napasuliat arlaanni sulinermik sungiusarneq

Mitsitsisartunngortussatut ilinniartut atuagarsornertik naammassigamikku ”Student Licence” anguvaat. Taamaasillutik ingerlaqqissinnaalerput suliffimmi sulinissamut – OJT (On-the-Job-Training). Suliffiup sumiinnera apeqqutaalluni tamanna qaammatit sisamat missaanni ingerlanneqartarpoq. Ilinniakkat atorlugit sulineq Narsarsuarmi, Nuummi, Ilulissani Kulusummilu ingerlanneqartarpoq.

Mitsitsisartunngorniarlutik, AFIS-operatørinngorniarlutik, ilinniartut tassaapput:

  • Paninnguaq Lynge
  • Danny Fisker
  • Pilutaq Lundblad
  • Kenn Sivertsen
  • Tomas Manly Fruensgaard
  • Aputsiaq Christensen

Nikorfaqatigivaat ilitsesuisut Mikkel Skjold Hansen aamma Henrik Børgesen.

Bodil Marie Damgaard, sulisoqarnermut pisortaq, bmd@mit.gl :

– Nuannaarutigivarput mitsitsisartunngorniatut ilinniartut maanna piareermata Namminersorlutik Oqartussat mittarfiutaanni sulinissaminnut taamaasillutik piginnaanerilikkatik tassani atortussanngorlugit. Mittarfeqarfiit anguniagaraat inuiaqatigiinni suliassatta naammassinissaannut sapinngisamik maani najugaqareersut ilinniartinnerisigut sulisorinissaat, mittarfitsinni sillimaniarneq qaffasissumik inissisimasoq taamaasilluta qulakkeersimajuaannassallutigu. Mittarfitsinni 13-usuni amerlanerni ingerlatat annertusiartornerat takusinnaavarput. Mittarfiit taakku ilaanni 12-ni mitsitsisartut AFIS operatørit sulisuupput. Kangerlussuarmiippullu flyvelederit silaannakkut angallatit ingerlavissaannut tamakkiisumik oqartussaassuseqartut. Taakku ilinniartinnerat Mittarfeqarfiit aamma namminneq isumagisaraat.

Ilinniartut suliffimmi misiliinissaminnut piareertut pilluaqquagut iluatsitsilluarnissaannillu kissaallugit, sinerissamilu suleqatigilernissaat qilanaaralutigu.


AFIS pillugu

Mittarfinni timmisartunut paasissutissiisarnermut (AFIS) atatillugu suliarineqartarput – paasissutissat timmisartumut ingerlateqqittarnerannut upalungaarsimanermullu tunngasut saniatigut – silap pissusaa pillugu alapernaarsuineq, allaffissornikkut suliassat il.il.. Timmisartunik mitsitsisartunngornianik ilinniartitsineq ukiut 10-it sinnerlugit Mittarfeqarfiit namminneq ingerlatarivaat. Ilinniartitsineq ”Skolen for interne uddannelser (ATS) Narsarsuarmiit Kangerlussuarmut 2015-imi nuuppoq, ilinniartitsinerlu Integra Consult, http://integra.dk/, suleqatigalugu ingerlanneqarluni. Mitsitsisartunngorniarneq pillugu paasissutissat amerlanerusut uani nassaarineqarsinnaapput: http://www.mit.gl/gl/suliffissat-ilinniarfissallu/ilinniarfissat-allattorsimaffiat/afis-operatoerinngorit/

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere