Mittarfeqarfiit niuernermut pisortartaarpoq

Jeppe Jensen 37-nik ukiulik septembarip 15-iat aallarnerfigalugu Mittarfeqarfinni niuernermut pisortanngussaaq.

Mittarfeqarfiit misilittagaqarluartumik atorfinitsitsilerput. Jeppe Jensen, Ilulissani inunngortoq Nuummilu peroriartortoq, periusissanik ineriartortitsinermi, nutaaliornermi iluanaaruteqarniarlunilu nioqqutissanik ineriartortitsinermi ukiorpassuarni misilittagaqarpoq. Maani atorfininnginnermini Telepost-imi tuniniaanermi pisortatut atorfeqarpoq arlalitsigullu aqutsisutut sulisarsimalluni.

– Jeppe Jensen piginnaaneqarpoq Mittarfeqarfiit allanik periarfissaqalissutigisinnaasaannik, siornatigullu atorfigisimasamigut erseqqissumik uppernarsareerpaa ineriartortitsisinnaalluni, nutaaliorluni nioqqutissanik ineriartortitsisinnaalluni periusissanillu paasisimasaqarluarluni, Marie Fleischer, Mittarfeqarfinni pisortaaneq, oqarpoq.

Jeppe Jensenip Mittarfeqarfinni niuernermut pisortatut Mittarfeqarfinni iluanaaruteqarniarnermi pitsanngorsaanissaq akisussaaffigissavaa, ilaatigut immikkoortut tuniniaaneq Kangerlussuarmi Narsarsuarmilu unnuisarfeqarneq, isumaqatigiissutit, Ground handling pilerisaarinerlu akisussaaffigissallugit.

Pisortartaassap Mittarfeqarfinni niuernermut tunngasutigut siulersuinissani qilanaaraa:

– Mittarfeqarfiit Nunatsinni inuiaqatigiinni pingaaruteqarluinnarput, Mittarfeqarfinnilu suliffeqarfimmik tunngaviliinissara ineriartortitseqqiinnissaralu qilanaaraara. Suleqatissama, angusaqaqatissama, naapinnissaat Nunatsinnilu timmisartukkut angallannermi sukkasuumik ineriartortoqarnerani unamminarnartut periarfissallu aallunnissaat qilanaaraara, Jeppe Jensen oqarpoq.

Jeppe Jensen Handelshøjskolemi Aarhusimiittumi International Business-imi cand.merc.-itut ilinniakkani 2007-imi naammassivaa.

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere
Flyselskaber