Mittarfeqarfiit qarasaasiaqarnikkut atukkatik mutinngorsaraat
Silarsuarmi mittarfeqarnikkut siuarsimanerpaat aningaasaliiffigalgit mutinngorsaapput pissutsitigullu arlalitsigut mittarfinni nutarsaallutik. Ineriartornermut malinnaassagaanni atuisullu ilimasuutaat malillugit kiffartuussinikkut angusaqartitsissagaanni ukiuni tulliuttuni systemi nutaassaq annertooq atuutsinneqartussanngussaaq.
Atuutsitsiviusussat qullersaqarfinni immikkoortuni pingasuni pissapput. Gentrack´simi periuseritinneqartunut ilaavoq Flight Information Systemimik taaguusigaq, qarasaasiakkut toqqaannartumik akiliilernermi ingerlatsinikkullu pitsanngorsaataasussaq, timmisartortitseqatigiiffinnik kiffartuussinerup tungaatigut qaffassaataajutigisussat. Flight Information Systemi mittarfeqarfinni timmisartortitseqatgiiffinnik atuisuusunut malugusunnassaqaat malunnaatilimmik pitsannguutaasussaammata. Angallattut ingerlaarnikkut paasissutissiissutit skærmitigut takusalissavaat aortorissaarutit mutiulluinnartut atorlugit saniatigut timmisartortitseqatigiiffiit uagutsinnik kiffartuunnillit aammattaaq annertuumik kiffaruunneqarnermikkut qaffaataasut malussarfigiumaarpaat. ”Gentrack aqqutigalugu mutinngorsaanitsigut paasissutissiissutigut pitsanngussaqimmata, taakkuinnaanatik qarasaasiakkut akiliisinnaatsutsikkullu atukkat allanngortussaapput ilorraap tungaanut ingerlasumik. Siunissaq piareersimaffigisariaqarparput mutinngorsaanerit pitsanngorsaanerillu eqqarsaatigalugit, kiffartuussatta atugarissaarnissaat angujumallugu. Angunagavittaami unaavoq atuisutta mittarfinni pissutsit pitsanngortut misigissammassuk, saniatigullu timmisartortitseqatigiiffiit kiffartuunneqarnermikkut aamma nuannersumik misigitillugit,” taama pisortatut paarlattaagallartoq Niels Grsen oqaaseqarpoq.
