Mittarfeqarfinni ilinniartut 39´t aallussipput

Mittarfeqarfiit ilinniartoqarfissuuvoq, nunattalumi iluani annertunersanut ilaalluni. Massakkorpiaq mittarfinnut, AFIS´mut ilinniarfimmut, unnuisarfinnut qullersaqarfimmullu ilinniartut 39´t agguataaqqapput. Ikigisassaanngillat, kisitsisillumi ersersippaa Mittarfeqarfiit qanoq pingaaruteqartiginera sulisorilerumaaligassatsinnik ilinniartitseqataanitsigut iluaqusersuutaagatta, siunissami uagutsinniinnaanngitsoq nunatsinnili suliffeqarfinni tamaginni sulillualerumaartussanik ilinniartuuteqarnitsigut.

Ilinniartuutitta ilaannik aallarterlaanik oqaloqateqarpugut:
Johannes Kaspersen 21´nik ukiulik Aasiaat mittarfiani terminalarbejderitut ilinniartunngoqqammersoq ima oqaluttuapoq:
“Suliffitsialaavoq ilinniagassatsialaallunilu. Ilaanni oqimaassinnaasaraluarluni ilikkagassarpassuupput soqutiginaatilippassuit aamma mittarfinniik allaniik nassuiaanneqarluartarpugut ilitsersorneqarluartarlutalu. Uanga maaniillunga nuannareqaara.”
Ass. massakkumut Johannes misilittagaqarlualereerpoq marshall-tjenesteertugaat timmisartunik mitsitsisarnerit assigisaallu misilittaaffigereerpai. Ukiuni pingasuni sisamani tulliuttuni suliassaaluppassuit suliassallu immikkoorutillit pulaffigilluarsimassavai ilikkagaqarfigalugit piginnaanngorsarfigisimallugillu. Ass. maskinanik paaqqutarinninneq, ikuallattoqannginnissaanut upalungaarsimanissaq, annaassiniaaneq sullitanillu kiffartuussineq.
Ilinniartunngorlaanut ilaavoq Melissa Geisler Krogsgaard. 26´nik ukioqarpoq Kangerlussuarmilu AFIS-operatørit mittarfimmi silaannarmilu angalasunik aqutsisutut ilinniarluni aallarteqqammivoq. Siornatigut Aalborgip Universitetiani attaveqaqateqarneq ilisimatusaavigisimavaa, timmisartuussinerulli iluani ilinniagaqarusulersimalluni: Ilinniagaq facebookikkut atuarsimavaa ingerlaannarlu soqutigilersimallugu. Tamannalu sioqqullugu Mittarfeqarfinni ingerlalluartoqarnera tusaamareersimavaa.
“Misigisassatsialaallunilu, suleqatigissaarnarlunilu atuaqatigissaarnarpoq. Mitsitsisartutut ilinniakkap aallartinnissaa sioqqullugu inissititeqqaagassat arlaqarsimapput, taamaakkaluartoq suna tamarmi imminut akilerpoq, allamik taama nuannertigisumik eqqaariagassaqanngilanga. HR afd.´meersut allallumi angerlarserutta qanorsuaq oqaloqatigisinnaavagut. Ilinniagaq namminermini oqimaattortaqarsinnaavoq ilikkagaqarfioqaarli. Ulloq suliffiusoq naaleraangat misigisaq nuannersorsuusarpoq ,” taama oqaluttuarpoq.

Melissa Geisler Krogsgaard

Ilinniartuutigisimasagut immikkut kisitsisaatiginngilagut, immikkoortortaqarfikkaarluta immikkut tamatta atorfinitsitsisarnigut pissutaaqataallutik. Massakkumiik siunissamut Sulisoqarnikkut qullersaqarfiup amerlassusaat nakkutigilerniarpaa kiisalu ilinniartunut immikkut iliuuseqarlutik,- Mittarfeqarfinnuinnaanngitsoq nunamulli tamarmut ataatsimoorussatut pingaaruteqaqimmata.

Mittarfeqarfinni ilinniartuutigut ima agguataarsimapput:

Mitsitsisartutut ilinniartut
Arfinillit
Terminalarbejderitut ilinniagallit
21´t
2015´mi tallimat ilinniakkaminnik naammassinnipput

Mekanikerinngorniat
Pingasut

Igaffimut
Igasunngorniat marluk

Receptionimi
Marluk

Allaffimmiunngorniat
Marluk

Niuernerup iluani ilinniartut
Pingasut
Taakkunannga marluk 2016´mi naammassisussat

Mittarfeqarfinni ilinniartunngorusukkuit allanilluunniit ilinniartunngorusussinnaasunik nalunngisaqaruit paasisaqarusukkuilluunniit nittartagarput alakkarsinnaavat www.mit.gl sulisoqarnikkulluunniit qullersaqarfitsinnut Lena Jensen 382627´mut sianerfigalugu paasiniaasinnaavutit.

Det sidste år har der været gang i den hos Mittarfeqarfiits lufthavne. Vi sluttede på en samlet omsætning på 358 mio. kr...

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere