Nerlerit Inaanni mittarfik silapilummik atortulunnermillu nalaanneqaqqasoq

Nerlerit Inaanniik/nut angallanneq juullip qaammataanili ilaasunik timmisartuussinertigut unittooqqavoq silapilummik aputaajaatinillu aserortooqqanermik pissutilimmik.

Anorersuarujussuaqattaarnerit aputaajaassuarmullu aseqqukumut atortunik utaqqineq pissutaallutik 2015 aallartimmalli Nerlerit Inaannut timmisartuussineq uninngasimavoq. Kitaaniik Dash 8 sap.ak. kinguaattoorluni mippoq juullip qaammataasa 23-ani. Aperujussuartaarneratalu kingunerisaanik suli miffigineqarsinnaasimanngilaq ulloq-manna tikillugu.

Nerlerit Inaata mittarfiata pisortaa Henrik Rosing Søltoft oqarpoq, miffissaq suli piariinngitsoq, biilerfissartaa timmisartullu uniffissaa suli matoqqavissorallartut, neriuutiginerarpaa sapaatsiuppat mittoqarsinnaalersimanissaa.

Nerlerit Inaat vinteren 2015
” Sap.ak. kingullerni sapinngisannguarput tamaat piareersaajuarsimavugut. Sulili tamanna iluatsinngilaq, aputaajagassarigatsigu miffissaq 600 m-sut takitigisoq taamaallaat Twin Otteri meqqatarsinnaasimavoq. Biilerfissaq timmisartullu uniffissaa suli iluatsinngikkaluartut,” mittarfiup pisortaa oqaaseqaateqarpoq.
Silapilunnerata saniatigut nivattaassuaq angineq aserorsimavoq aputaajaannissamut qulakkeerinnittussaagaluaq. Atortussamaatissatsinnik tikisitseqqaartariaqarsimavugut, aperujussuarsimaneralu pissutaalluni aatsaat taakku januarip 21-ani tikisinneqarsimallutik.

Massakkut aputaajaassuit iluarsimmata tamakkiisumik aputaajaaneq ingerlanneqarsinnaanngorpoq, sulisugullu ataatsimik ilallutik nal. ak. kaajallallugu taarseraallutik sulisunut ilapittuutaasinnaanngorluni, mi. Naatsorsuutigaarput tallimanngorpamut naammassereersimassalluta Dash 8-mik miffigineqarnissatsinnut piareersimassalluta mitttarfiup pisortaa oqarpoq-
”Anorersuaqattaarsimaqaagut, atortutigullu amigaateqarujussuarnerput saniatigut kinguarsaataasimaqaluni. Sulisugut nukeerupput, akunnerpassuit aputaajaammi issiasarneq imaannaanngilaq, ulluni malisigaannartuni, anorersuareernerisa tamatigut. Naatsorsuutigaarput sapaatsiuppat piareersimassalluta Air Greenlandip Dash 8-nik mitsitsinissatsinnut,” Henrik Rosing Søltoft oqarpoq.

Sisamanngormat Januarip 28-ani anorersuaqqereernerata kingorna 20.000 kubikmeterisut annertutigisumik aputaajaavugut. Miffissap kilometerimik takissusillip 800-meter-ertaa naammattarami Dash 8 missagaangat.Taamaakkaluartoq suli uniffissaata nalaa illuutittalu eqqaat aputerujussuartaqarput. Hotelinnguarput apummut morsoqangajappoq, timmisartullu iserfigisinnaasassaralua hangari portoqatiminik aputeqarluni. Mittarfik atorsaasunngussappat suli 40.000 kubik meteri aput peertariaqarparput, mittarfiup ittua missingersuivoq.
Paasisaqarnerorusukkussi una saaffigisinnaavarsi:
Attaveqarnikkut Pisortaq Hans Henrik Lichtenberg
Mittarfeqarfiit Grønlands Lufthavne
P.O. Box 1036 3900 Grønland
www.mit.gl
Mail: hali@mit.gl
Mobil: 299 54 87 23

Mittarfeqarfiit er ejet af Grønlands Selvstyre og betaler derfor årligt omkring 12 mio. kr. til den grønlandske landskasse...

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere