AFIS-imik ilinniarfik najugaqarnerlu

Najugaqarneq/ilinniartut inaat 

Ilinniartut akeqanngitsumik akunnittarfimmut nerisarfimmullu qanittumi Anneksimi Narsarsuup qeqqani inissinneqassapput. Tassaniipput ineeqqat pequtillit. Ineeqqamiipput sikaavik, siniffik, nalaasaarfik, nerriveeraq, issiavissuaq, allaffik issiavillu, TV DVD-mik isiginnaarutaasinnaasoq, qipik, akiseq oqorutillu puui. Ineeqqat akornanniippoq uffarfik perusuersartarfittalik kuutsitsiffigalunilu uffarfik, taannalu sanilillu atussavarsi.

Ineeqqat torsuusamiipput taamaallaat AFIS-imi ilinniartunik najugaqarfigineqartut ilinniarnissamut eqqissisimanarnissaa peqqutigalugu. Pitsaasumik inooqataanissat siunertarigukku torsuusami najugaqarneq nuannersinnaavoq, ilinniaqatit eqqaniinneranni ilinniarnissamut avatangiisit pitsaasuullutik.

 

Nerisaqarneq

Nerisarfimmut isissutissamik tunineqassaatit, tassani ullormut pingasoriarlutit nerisinnaallutit. Nerisassiornissat pisiniarnissallu isumakuluutigisariaqanngilatit. Nerisarfik aamma qanittumiippoq ilinniartut torsuusaannit 20 meteriinnarnik ungasitsigisumiilluni.

Ilinniarfiup inissisimanera

Skolen for Interne Uddannelser (SIU) Narsarsuarmiippoq qatserisarfimmut atalluni mittarfimmut isikkiveqarluni. AFIS-imik ilinniarnerup naammassinissaanut, AFIS-operatørit ilinniaqqinnissaannut HIS-imillu pikkorissarnissamut ilinniarfik tamanik atortorissaaruteqarpoq.

Init ilinniartitvisiusut

Ilinniarfimmi ini qiterliusoq ilinniartitsiviuvoq. Tassani ilinniartunut qulit missaanniittunut inissaqarpoq, inilu atortorissaarluarpoq, overhead projektor, allattarfik whiteboard aammalu digital projektor qarasaasiap angallattakkap ikkuffigisinnaasaa pigalugit.

Atortorissaarutit nalinginnaasut

Ilinniarfik aamma isersimaartarfeqarpoq tassani igaffeerannguaqarluni atuakkanillu atorniartarfeqarluni timmineq pillugu atuakkanik, aviisinik atuagassianillu ulikkaartumik. Aamma ilinniartunut immikkut atisaajartarfeqarpoq mikisumik sikaaveqartunik, kiisalu perusuersartarfeqarluni uffarfittalimmik.

Nipimut laboratoria

Inimut ilinniartitsiviusumut atatillugu nipimut laboratoriaqarpoq, tassani radiup atornissaanut sungiusartoqartarluni. Inissat tamarmik headseteqarput timmisartup silaannakkullu angallanermi kiffartuussiviup attaveqarnerat sungiusarneqarluni. Tassani aamma radiukkut attaveqatigiinnermi immiussat tusarnaarneqarsinnaapput nalunaarutit tiguneranut misileraanermi (receptiontests).

Simulatori

AFIS-imik ilinniarnermut naggasiullugu (imaluunniit ilinniaqqinnermi) ilinniarfik namminerisaminik simulatoreqarpoq. Simulatori marlunnik initaqarpoq: Napasuliaq avataanilu silarsuaq. Napasuliaq mitsitsisarfik ineeraavoq matoqqasoq sivingasunik ilgalaalik silamullu isikkivilik, Garex-panelimik ikkussivigineqarsimavoq mitsitsisarfivinni atorneqartartut assinganik nakkutilliinermut paneleqarluni, silaannakkut angallanermi qulliit aqunnissaannut attataasaqarluni, silasiornermut qarasaasiaqarluni silannakkullu angallannermi kiffarfuussinermi nalunaaruteqartoqarsinnaalluni, attaveqarnissamut radioqarluni oqarasuaateqarlunilu. Napasuliap silatinnguaniippoq Narsarsuup mittarfiatut ittoq piviusuusaartitaq, terminaleqarluni, mittarfimmi qulleqarluni kaajallassinnaasumillu anorisaateqarluni. Aamma tassani atortoqarpoq napasuliamut attaveqarnissamut radioqarluni timmisuusaarnissamullu timmisartuusaqarluni.

Vi består af ikke mindre end 13 lufthavne og 46 helipads og forbinder Grønland med en effektiv og pålidelig infrastruktur...

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere