Fagit suuppat

Uani fagit AFIS-imi ilinnarneqartussat allattorsimapput. Ilinniartitaaneq tamarmi qallunaatut ingerlanneqarpoq. Ilinniarnermi atuagassat ilarujussui tuluttut allassimapput. Soraarummeerneq tuluttut ingerlanneqassaaq sakkuutinik ilinniarneq, observationslære kodelærelu kisiisa pinnagit, taakku qallunaatut soraarummeerutaassammata.

Aircraft – timmisartut
Timmisartut assigiinngitsut tunngaviusumillu timmisartut qanoq sananeqaateqarnersut ilisimassallugu pingaartuuvoq. Ilinniakkami Aircraftimi timmisartut assigiinngitsut 100-ut tungaannoortut, taakku ilisarnaataat ilinniassavatit. Assersuutigalugu ilinniassavatit flaps, pitot tube, speed brakes gearilu suunersut!
Soraarummeeriaaseq: Multiple choice – toqqagassat arlaqartut.

Aviation Law
Aviation Law ilinniarnermit fagit annersaraat. Tassani silaannakkut angallanerup iluani assigiinngitsorpassuit tunngaviatigut ilisimasaqarfigilissavatit: Suliniaqatigiiffiit silaannakkut angallannermut tunngasut. Silaannakkut angallannermi oqartussat. Allagartanut ilinniarnernullu maleruagassat. Silaannaq ingerlaarfiillu. Timmisartup qanoq iliorsinnaaneranut maleruagassat. Silaannakkut angallannermi nalunaariaatsit assigiinngitsut, allarpassuillu.
Soraarummeeriaaseq: Multiple choice – toqqagassat arlaqartut.

Air Traffic Management – Silaannakkut angallannermik aqutsineq
Kalerrisaarineq sunaana? Paasissutissat suut timmisartunut ingerlateqqinneqartussaappat? Silaannakkut aqqutit sakkutooqarnikkut angallaffiujunnaarlutik imaaliallaannaq sakkutuujunngitsunut aqqutinngorsinnaappat? Tassanngaannaq timmisartut silaannakkut angallattut amerlavallaalinnginissaat qanoq qulakkeerneqarsinnaava? Akuerineqarnissaq qanoq pilersinneqartarpa? Tamakkuupput apequtit ilaat silaannakkut angallannermik aqutsinermut atatillugit akisinnaasassatit.
Soraarummeeriaaseq: Multiple choice – toqqagassat arlaqartut.

Equipment – atortut

Atortut soorlu radar, Non Directional Beacon aamma Instrument Landing Systems (mitsitsisinermi atortut) ilisimasaqarfigilikkit. Ilinniakkami Equipmentimi ilinniassavat radio, sumiissusersiutit sumiissusersiornermilu atugassat allat qanoq sananeqaateqarnersut qanorlu atorneqartarnersut. Radiup maligaasai pillugit atuakkatigut paasisaqassaatit sekundimullu maligaasat assigiinngitsut pillugit.
Soraarummeeriaaseq: Multiple choice – toqqagassat arlaqartut.

GEN radio
Radiumut uppernarsaateqassagaanni pisariaqarpoq timmisartuussinermik aqutsisutut imaluunniit AFIS-operatøritut mitsitsisarfiup radiuatigut mitsitsisarfimmi assigisaannilu oqaluttussaaneq. Eqqortumik nalunaarsueriaaseq sungiusarneqartarpoq, nalunaarutinik tusarnaarluni allattuillunilu, kiisalu atuagarsorneq. Soraarummeernermi angusinermi allagartaq aamma qallunaatut tuluttullu atuuppoq. Taamaattumik nunarsuarmi sumi tamani atorneqarsinnaavoq, aammalu atuulluni timisartortartunngussagaluaruit. Uppernarsaat GEN aamma radiup atornissaanut uppernarsaatit ’annersaraat’.
Soraarummeeriaaseq: Misilitsinnernut sisamanut avinneqarsimavoq, atuagarsornikkut multible choice, radiotest, tigusinermi misilitsinneq oqaatsinillu misilitsinneq.

Nunalerutit
‘Silaannakkut angallannermi nunalerutini’ Danmarkip Kalaallillu Nunaata ilisimasaqarfiginissaat. Paasiniaruk silaannakkut alannagiit suut nunani taakkunani atuunnersut, sumiiffiit mianernartut sumiinnersut, sutigullu silaannakkut angallattoqartarnersoq. Danmarkimi Kalaallillu Nunaanni mittarfiit tamaasa ilinniakkit, sunik ilisarnaateqarnersut, sumiissusersiutit mittarfinni nunatsinniluunniit sumi tamani sumi inissisimanersut.
Soraarummeeriaaseq: Apeqqutit ammasut/toqqaannartumik akineq.

Human Factors – Inunnut tunngasut
Qanoq iliornikkut sulisinnaaneq qaffasinnerpaatinneqarsinnaava? Avatangiisit inuit sulisinnaanerannut qanoq sunniuttarpat? Kukkunerni suut navianartorsiortinneqarsinnaappat, qanorlu annikillisarneqarsinnaappat? Malussaatit qanoq sunniuttarpat, inuillu sutigut killeqarpat? Fagimi Human Factorsimi akissutissarsissavatit.
Soraarummeeriaaseq: Multiple choice – toqqagassat arlaqartut.

Silasiorneq
Sila timmisartornermut annertuumik sunniuteqartarpoq. Silasiornermi ilaatigut silaannaq, nuissat ingerlaarnerat, naqitsineq, kissartup nuuttanera, anorip pinngortarnera, nuissat assigiinngitsut, sialuk apullu silallu pissusaat allat ilisimasaqarfigineqalissapput. AFIS-operatøri ilisimasani atorlugit silamik nalunaaruteqassaaq taakkulu timmisartunut nalunaarutigalugit, ilaatigut silarlummik mianersoqqussuteqarluni.
Soraarummeeriaaseq: Multiple choice – toqqagassat arlaqartut.

Sumiissusersiorneq
Nunap assinga nalinginnaasoq tigujuk, takutissavarpullu sumiiffiit marluk qaninnerpaaffiat tassaanngitsoq titarneq narlorissoq. Paatsuungavit? Nunarsuaq pillugu suut tamaasa ilinniakkit, ulloq unnuarlu, piffissaq, ungasissuseq uuttueriaatsillu, allorniusat sanimukartut tukimukartullu, kajungerisaq, sumiissusersiutit assigiinngitsut, allarpassuillu. Timmisartut aqqutaasigut timmisartorfissat sumiiffilertussaassavatit naatsorsorlugillu. Simulatorimi timmisartoq aamma ingerlatittuusaassavat radio atorlugu.
Soraarummeeriaaseq: Multiple choice – toqqagassat arlaqartut.

Unusual Situations – Pisut nalinginnaanngitsut
Pisut nalinginnaanngitsut qanoq iliorfigissanerlugit uani ilinniassavat. Ilaatigut radiomi ajoqut, timmisartumik tiguaaneq, timmisartunik mittarfinnillu ajoqusiisinnaasut, nappaatit tuniluuttartut, mittarfimmi atortut ajoquteqarnerat, timmisartumi teknikkikkut ajoqutit.
Soraarummeeriaaseq: Multiple choice – toqqagassat arlaqartut.

Professional Environment – Sulinermi avatangiisit
Fagi AFIS-imik sulinermi suleqatissanik ilisarititsineruvoq. Tassaasinnaapput suliffeqarfiit mittarfinni teknikkikkut atortunik ikkussuisut kiffartuussisullu, Air Greenlandip angallannermut allaffianik ilisarititsineq paasiniarlugu ulluinnarni qanoq sulisarnersut, kiisalu Narsarsuami mitsitsisarfimmut paasissutissiisarfimmullu pulaarneq.
Soraarummeerneq: Soqanngilaq.

Atortorissaarutit ilinniarnerat (silasiornermi fagi)
Atortorissaarutit ilinniarnerat silasiornermi fagiuvoq. Tassani paasiniassavat kiassiutinut, anemometerinut, qutsissutsimut uuttuutit allallu silasiornermi atortut qanoq atorneqartarnersut.
Soraarummeeriaaseq: Multiple choice – toqqagassat arlaqartut.

Takusaqarnissamik ilinniarneq (silasiornermi fagi)
Saint Elmos Fire ilumut inniua, qanorlu pinngortarpa? Imaliliorneq apinerlu sunik assigiinngissuteqarpat? Sialleriaatsit aperiaatsillu qassiuppat? Nuissat assigiinngitsut qanoq taaguuteqarpat? Ulussaarsuarmik taaneqassaguni anori qassinik knobeqassava? Silamik takusaqarnissamik ilinniarnermi akissutit nassaarikkit.
Soraarummeeriaaseq: Toqqaannartumik akineq + multiple choice.

Kodelære (silasiornermi fagi)
Silaannakkut angallannermi silamik paasiniaanerit silassarlu naatsumik paasigasuagassamillu allanneqartarput, eqqortumik paasiuminartumillu timmisartunut ingerlateqqinneqartussat. Fagimi tassani silamik nalunaarutit suliarisinnaalissavatit. Kodelære silasiornermi fagiuvoq.
Soraarummeeriaaseq: Silassamik nalunaarutit immersornissaat.

Selvom Grønland ligger langt mod nord, får vi mange besøgende. Sidste år rejste ikke mindre end 397.856 passagerer gennem Mittarfeqarfiits lufthavne...

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere