Angalanermi assistenti

Septembarip aallaqqaataanni aallartittussanik ilinniartussarsiorpugut
Qinnuteqarfissaq kingulleq 15. maj

Mittarfeqarfiit Air Greenlandilu peqatigiillutik angallannermi ikiortinik ilinniartitsisarput Mittarfeqarfinni Air Greenlandimilu angallannermi ikiortitut atorfinitsinneqarsinnaasunik

Angallannermi ikiortitut sulineq ilaatigut imaattunik imaqarpoq:

  • Namminersorluni sullissineq, ilaasunik, timmisartumik qulimiguulimmillu angallannermi bilitsinik assartuinermillu allaffissorneq.
  • IT-mik atuineq, ilaatigut inniminniinermi, naatsorsuusiornermi assartuinermilu periutsit atorlugit.
  • Angallannermi ikiortit pitsassuarmik isumannaatsumillu kiffartuussisinnaasariaqarput.

Ilinniartitaaneq atorfinissinnaanermut ilinniartitaaneruvoq, qaammatinik 12-nik sivisussuseqarluni, sapaatit akunnerini arfinilinni Nuummi atuagarsornikkut pikkorissarnermik aallartilluni. Pikkorissarnerup kingorna ilinniarneq ingerlateqqissagukku angusisariaqarputit.

Ilaatigut makku pillugit ilisimasaqalissaatit:

  • Suliffeqarfiit Mittarfeqarfiit aamma Air Greenland
  • Billetsiliorneq, sullissineq, nassatanik tunniussineq
  • Angallannermik naatsorsuusiorneq, timmisartuni qulimiguulinnilu nassatanik oqimaaqatigiissaaraluni naatsorsuineq
  • Inniminniinermi nassatanillu ujaasinermi atortut
  • Timmisartumi isumannaallisaaneq / (Security on Air Side)
  • Aningaaserisuuneq
  • Ikiueqqaarneq timmisartullu iluani qatserineq
  • Radiukkut attaveqarneq
  • Mittarfimmi allattaavinnik ilisimasaqarneq

 

Kingorna ilinniartutut suliutigaluni ilinniassaaq, tassalu mittarfimmi allaffimmi, heliportini assartukkanillu sullissivimmi saniliminit ilinniartinneqarluni.

Aamma aallartitaasarnissat naatsorsuutigissavaat piffissami sivikitsumi sivisunerusumiluunniit. Ilinniartuuneq naammassissaaq Nuummi juulip naanerani soraarummeernermik.

Imaattutit naatsorsuutigaarput:

  • 22-t 30-llu akornanni ukioqartutit
  • Atuarfimmi angusatit naammaginarlutik, ajornanngippat ilinniarnertuujullutit sulinermillu misilittagaqarlutit
  • Kalaallisut qallunaatullu oqalussinnaallutillu allassinnaallutit kiisalu tuluttut oqalussinnaallutit.
  • Pineqaatissinneqarsimanngitsutit
  • Inersimarpalullutit takujuminarlutillu kiisalu peqqissuullutit

Ilinniarnermut tassunga tigusaassaguit:

  • Atorfininnermi oqaloqatigineqassaatit, tassani piginnaasatit misilittarneqarlutik
  • Kalaallit Nunaanni aalajangersimasumik najugaqassaatit Namminersorlutik Oqartussat ilinniarnermusiaqarnissamut piumasaqaatai naammassillugit

Akissarsiat, isumaqatigiissutit atorfininnerlu pillugit sukumiinerusumik atuarit.

Atorfik ilinniarnerlu pillugit paasisaqarnerorusukkuit ilinniartitaanermut immikkoortortamut saaffiginninnissannut tikilluaqqusaavutit:

Mittarfeqarfiit, Sulisoqarnermut immikkoortortaq
+299 34 93 48 
mit (at) mit.gl

Air Greenland, Training Center
+299 34 34 34
ATC@airgreenland.gl

Mittarfeqarfiit er ejet af Grønlands Selvstyre og betaler derfor årligt omkring 12 mio. kr. til den grønlandske landskasse...

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere