CNS-tekniker

CNS-teknikerinngorit Silarsuarlu misigalugu

CNS tassaavoq Communication, Navigation and Surveillance/ Attaveqaqatigiinneq, Sumiissusersiorneq aamma Nakkutilliineq – CNS-ilu mittarfinnik ingerlatsinermi aalajangiisuulluinnarpoq. Ilinniarnerup nalaani USA-mi Norgemi Tuluillu Nunaanni pikkorissartassaatit ilinniarsimasutullu angalasassaqaatit.

CNS-imut immikkoortortaqarfik sisamanik sulliveqarpoq, taakkulu Narsarsuarmi, Nuummi Kangerlussuarmi Ilulissanilu inissisimapput. CNS-imi sullissineq Mittarfeqarfiit suluusalinnut mittarfiini 13-ini qulimiguulinnillu mittarfiini 46-ni CNS-imut atortunik akisussaaffeqarnermik imaqarpoq.
Ilinniarnerpit ingerlanerani makku ilinniassavatit:
Ilinniarnerpit nalaani timmisartuussinermik sillimaniarnermut atortorissaarutit tamakkiisumik qanoq atorneqarnerisa qulakkeerneqartarnerat ilinniassavat, soorlu radarip, sumiissusersiutip (ILS/ Instrument Landing Systemip), DME (Distance Measuring Equipmentip/ungasissutsinik uuttortaanermut atortorissaarutip), NDB (Radiofyrip) napasuliamilu alapernaarsuiffimmi atortut tamaasa ilinniassavatit. Tamatuttaaq aamma ilinniassavatit, mittarfimmut piumasaqaatit ICAO-imeersut (International Civil Aviation Organizationimeersut) kiisalu Trafikstyrelsemit aalajangersakkat.
Naatsorsuutigaarput:
• Angalanissannut piareeqqasutit. CNS-imut atortorissaarutinik ukiup affaanik misilittagaqartutit kiisalu iluarsaassassat ingerlaavartut pissutigalugit mittarfiit assigiinngitsut ornittassagitit.
• Elektronikmekanikeritut/teknikeritut imaluunnik elektronikfagteknikeritut tunngaviusumik ukiut sisamat ilinniarneq naammassisimagit.
• Nutaanik ilinniarnissannut kajumissuseqartutit.

 

Ilinniarneq pillugu paasissutissat:
Ilinniarneq piginnaaneqalersitsisumik pikkorissarnernik tunngaveqarpoq:
• Ullut 14-it Sverigimi teorimik ’Entry Point North’ (Nordic ATS Academy – Air Traffic Services), tassanilu timmisartornermi atortorissaarutinut ilisimasatit nutartissavatit.
• ILS pillugu teoriimik pikkorissarneq, DME aamma Radar Geilomi Norgemiittumi pikkorissarneq ingerlanneqassaaq.
• Fabrikkimi pikkorissarnerit, tassani atortorissaarutit komponentit uuttortaanermullu atortorissaarutit pillugit toqqaannartumik ilisimasatit immikut ittumik pikkorissarlutit qaffassassavatit.
• Tuluit Nunaanni radarit pillugit ilinniarnermut peqataassaatit USA-milu NDB-mik kiffartuussineq aserfallatsaaliuinerlu pillugit pikkorissarnermut peqataassaatit.

Ilinniarnerpit naammassiartornerani eqqanni issiasoqarluni ilitsersorneqassaatit, tamatumalu kingorna nammineerlutik sulisinnaalissaati, sulinissallu iluarsaassisarfiit sisamat arlaanni pisaaqq. Allaffissornikkut suliassat mittarfinni iluarsaassisarfinnilu suliarineqartartut suliassannut ilaapput.
Attaveqaat:
CNS-teknikeritut ilinniarneq pillugu sukumiinerusumik paasisaqarusukkuit, CNS-imut Immikkoortortaqarfimmi pisortaq Peer Sarkov: Tlf. +299 34 93 45, Mail: pesa@mit.glattavigisinnaavat

Paasisaqarnerorusukkuit:
Uani sukumiinerusumik atuarit Mittarfeqarfiit, tassanilu takullugu suliffinnik inuttassarsiuisoqarnersoq: www.mit.gl

Vi består af ikke mindre end 13 lufthavne og 46 helipads og forbinder Grønland med en effektiv og pålidelig infrastruktur...

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere