Terminalarbejderi

Terminalarbejderinngorit – nuannersumik assigiinngissitaartumillu suliffeqalerit

Mittarfeqarfinni terminalarbejderitut ilinniartunngorniarlutit qinnuteqarsinnaavutit. Malittarisassat atuuttut naapertorlugit ilinniareernerpit kingorna terminalarbejderitut atorfinissinnaasunngorlutit praktikkernissannut isumaqatigiissummik neqeroorfigisinnaavatigit. Atorfinitsitaaguit, ingerlaavartumik ilinniaqqinnissannut periarfissaqassaatit.

Ilinniarnerpit ingerlanerani makku ilinniassavatit:
• Timmisartulerineq
• Mittarfimmi suliaqarneq, tamatumunnga ilanngullugu aputaajaaneq
• Qatserineq, annaassiniarneq kiisalu imaani annaassiniarneq
• Sillimaniarnermut tunngasunik suliaqarneq

Taakkua saniatigut biilersinnaanermut truckinillu ingerlatsisinnaanermut allagartartaassaatit, nassiussanik ulorianartunik imalinnik suliaqarsinnaanermut allagartartaarlutit pisariaqassappallu Mittarfeqarfiit mittarfiini suliassanik ingerlatsinissamut pikkorissarnerit.

Naatsorsuutigaarput ima ittuusutit:
Ilinniartutut tigutinniaruit, Meeqqat Atuarfianni Inaarutaasumik (FSA) soraarummeersimassaatit naammaginartunillu angusaqarsimassallutit. Taassuma saniatigut ima ituunissat naatsorsuutigaarput:
• Minnerpaamik 17-inik ukioqartutit sulinermillu misilittagaqartutit
• Suliartortuaannartuusutit, takujuminartuusutit sullissillaqqitsuusutillu
• Nukittuumik timeqartutit peqqissutsikkullu piumasaqaatit arlallit naammassisinnaagitit
• Tamanit ataatsimut isiginnissinnaasutit pitsaasunillu suleqatigiinnermut piginnaasaqartutit
• Sillimaniarnerup tungaatigut politiinit akuersineqarsinnaasutit

Ilinniarneq pillugu paasissutissat:
Ilinniarneq paarlakaattumik Saviminilerinermut Ilinniarfimmi Nuummiittaumi Mittarfeqarfiillu mittarfiini ingerlanneqartarpoq. Ilinniarneq ukiunik pingasunik sivisussuseqarpoq. Ilinniarneq augustimi aallartittarpoq,  qinnuteqarnissarlu 15 maajimut killeqarluni. Ilinniartunngornissannut tigutissaguit, atorfinitsitaanissamut oqaloqatiginnissaatit piginnaasatillu pillugit misilitsillutit.

Imatut aallartissaatit:
Siullermik Saviminilerinermut Ilinniarfik internetikkut nittartagaq una atorlugu attavigissavat: Aamma uunga:www.jernmetalskole.gl. Aamma uunga sianersinnaavutit allallutilluunniit: +299 34 86 00 eller e-mail: jm@jernmetalskole.gl

Atuarnerit massakkut ingerlakkukku uatsinnilu ilinniartoorusullutit, attavigisinnaavatsigut.

Attavissaq:
Terminalarbejderitut ilinniarneq pillugu paasissutissanik sukumiinerusunik perusukkuit, Mittarfeqarfiit HR-imut immikkoortortaqarfia uunga attavigisinnaavat HR-afdelingen: +299 38 26 48 e-mail: mit@mit.gl.
Paasisaqarnerorusukkuit:
Mittarfeqarfiit pillugu paasissutissat uaniittut atuakkit, tassanilu takuuk praktikkerfissaqarnersoq imaluunniit ilinniartuuffissaqarnersoq: www.mit.gl

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere