Timmisartumik angallannerup ingerlanneqartuarnissaa radiukkut atortorissaarutip nutaap qulakkiissavaa

Mittarfinni aqutsisarfiit timmisartullu akornanni attaveqaqatigiinnissamut radiukkut nutaamik atortorissaaruteqalilerpoq. Radiukkut atortorissaarutissaq Sisimiuni misilerarneqassaaq, aallarniutitullu misileraanerit kingornatigut Mittarfeqarfiit CNS-imik immikkoortoqarfiata nunami tamarmi ukiut arlallit ingerlaneranni atuutsilissavaa. Tamanna annertuumik angallannerup ingerlanneqartuassusissaanik aamma Kalaallit Nunaanni timmisartukkut angallannermi isumannaallisaanermik qularnaareqataassaaq.

Mittarfinni aqutsisarfiit timmisartullu akornanni attaveqaqatigiinnermik paasissutissanillu isumaginnittartumut teknologiimut tamarmut Mittarfeqarfiit CNS-imik immikkoortoqarfia akisussaasuuvoq. Immikkoortoqarfik Mittarfik Nuummiippoq, Kangerlussuarmili Ilulissanilu aamma sulisartoqarluni.

Maannakkorpiaq suliniummik annertuumik, Kalaallit Nunaanni radiukkut attaveqaqatigiinnermik tamarmiusumik nutarsaasussamik CNS ingerlassaqarpoq. Attaveqaqatigiinnermut atortutoqqanik ajornartorsiut tassaavoq sillimmatissanik nutaanik pissarsiaqarniarnerup ajornakusoornera, qamittooqattaartarnerillu amerlavallaarneri.

Mittarfeqarfinni CNS-imik immikkoortoqarfiup pisortaa Niels Erik Petersen teknikkimut tunngasunut tamanut pisortatut akisussaaffeqarpoq, tassaallutik Mittarfeqarfiit mittarfiini 13-ini nunami tamarmiittuni tamani, kiisalu Kangerlussuarmi radarimut sumiissusersiornermut, radiunut, allanullu sarfamik sakkukitsumik atuisunut elektronikkinut tunngasut. Imalu qarpoq:

– Attaveqaqatigiinnermut atortorissaarut nutaaq aqutsisarfiit timmisartullu akornanni attaveqaqatigiinnermik isumannaannerulersitsillunilu qamittooqqajaannginnerussaaq. Ajoraluartumik atortorissaarutitoqaq pisoqalivallaarpoq, suliariuarnissaalu akisuallaarlunilu ajornakusoorneruliinnassaaq. Ingerlatsisoqarnerup attanneqarnissaanut annertunerusumik isumannaallisaanermik atortorissaarut nutaaq aqqutigalugu pissarsiarissavarput.

Suliassaq pisariullunilu immikkut ilisimasaqarfiusarialik

Unammillerfissat ilaat tassaavoq nunatsinni mittarfiit mikillutillu sumiiffippassuarni atortunik pisoqaanerusunik atugaqartuunerat. Taamaattumik CNS teknologiimut pisoqaanerusumut aamma siammasissumik ilisimasaqartariaqarpoq, tamannalu ilutigalugu nunat tamalaani atortussanut nutaanut tunngatillugu qanoq pisoqarnera sianigiuassallugu. Mittarfiit atorneqarsinnaanissaat pillugit CNS aalajangiisuulluinnarpoq. Assersuutigalugu attaveqaqatigiinnermut atortut qamittuussappata tamatuma nassatarisinnaavaa mittarfiit matunerat, imaluunniit ingerlataqarnerminnik annikillisaasariaqarnerat.

– Suut tamarmik taamaattussaanerannik qularnaariniarnermik ingerlanneqartuartunik suliassanik ulluinnarni ingerlatsinitsinniippoq. Angallannermut Aqutsisoqarfimmit aamma nunat tamalaani timmisartuussisarnermut kattuffimmit ICAO-mit, suut misissornissaannik suliarisarnissaannillu qanoq akulikitsigisumik sunillu aalajangiisartunit assut sukangasuumik inatsisaasunik atugassaqartitaavugut. Suliassatta tulleraa ineriartortitsinissarput, malittarisassianillu nutaanik sorlernik niuffaffimmilu tunisassianik takkuttoqarnera. Naggataatigut, minnerunngitsumilli mittarfinni atortut ilaat ajoquteqaleraangata piareersimassaagut. Taamatut pisoqartillugu erniinnaq aallarnissamut piareersimassassaagut, imaluunniit ungasianiit suliassamik iluarsiiniassalluta, Niels Erik Petersen oqaluttuarpoq.

Tusagassiorfinnit attaveqarfissaq:
Paornánguaq Kleist
Mittarfeqarfinni attaveqaqatigiinnermut pisortaq
Mobiili: +299 597474
E-maili: paok@mit.gl

Sociale medier

Følg med i dagligdagen i de grønlandske lufthavne!

Du finder os på Facebook...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores to hoteller i enten Narsarsuaq eller Kangerlussuaq

Læs mere