Sulisorisat

Mittarfimmi TA/CA-mik mittarfiit nalinginnarmik ammasarfiisa avataanni suliassat isumaginissaannik nioqquteqarfigisaq piumasaqassappat, soorlu (taamaattorli taakkununngaannaq killeqanngitsunik) ilaasunik attaveqarnissamik, timmisartorfissat allanngortinneri pillugit paasissutissiinissamik, imaluuniit timmisartortitsinermut tungnasutut paasissutissat allat pillugit nioqquteqarfigisap suliassamut allaganngorlugu pissarsiniarneq nassiutissavaa, taannalu atsiugaqarsinnaatitaasumit inummit atsiorneqarsimassaaq (tassanngaanniit maili aamma atorneqarsinnaalluni).

Tamatuma kingornatigut mittarfiup matuneranit suliarisap naammassinissaa tikillugu nal. akunenrinut aallartitanut ataasiakkaanut tamanut qaangiuttoornernut nioqquteqarfigisaq akiligassinneqassaaq, takuuk imm. 1.2-mi MIT-ip akinut allattuiffia.

Mittarfiit sumiiffigisaasa avataannit suliassanut tunngatillugu.

Suliassat mittarfinnut attuumassuteqanngitsuusut, soorlu umiarsualivimmi mittarfiit sumiiffiisa avataanni suliarineqassasutut kissaatigineqartut tamatigut immikkut ittumik sioqqutsisumik isumaqatigiissutinik, ataasiakkaanut atuuttunut akigititaqarlutillu piumassaqaatitaqartunik, suliassallu isumagineqarsinnaanera/isumaginissaa sioqqullugu akuerineqarlutillu inissinneqarsimasussanik piumasaqatitsipput. Akigititat tamatigut imm. 1.2-mi MIT-ip akinut allattuiffia najoqqutaralugu atorneqassapput.