Sulinitsinni siunertarput

Suliassarpiaq:
Kalaallit Nunaanni angallannermut qularnaatsumik toqqammaviussaagut

Anguniagaq:
Misilittakkavut piginnaasavullu atorlugit sullitatsinnut kiffartuussilluarluta mittarfinnik pitsaasumik ingerlatsissaagut

Mittarfinni
Nunatsinni attaveqarnikkut suleqataanitsinni ulluinnarni suliassaraarput mittarfiit pitsaasumik isumannaatsumillu ingerlannissaat, ilaasunut, sullitanut inuiaqatigiinullu tamanut iluaqutaasumik.

Mittarfiit avataanni
Mittarfiit saniatigut illoqarfinni nunaqarfinnilu assigiinngitsuni aamma nukissiuutit imeqarnerlu ingerlappavut. Taamaalilluta suliffeqarfiuvugut nunatsinni tamarmi illoqarfinni nunaqarfinnilu ulluinnarni inuunermi napatitseqataasoq.

Sumiiffinni nalilinnik pilersitsivugut
Mittarfeqarfinni nammineerluta sulisussatsinnik ilinniartitsiuarsimavugut ulluinnarni mittarfiit ingerlannissaannik isumaginnittussanik. Sapinngisarput tamaat mittarfiit ataasiakkaat qanittuani najugaqartunik sulisoqarniartarpugut. Inunnik ilinniartitsineq inuiaqatigiinnut tamanut aningaasaliineruvoq.