Kangerlussuarmi kinguaattoorfiunngitsumik isumannaallisaaneq
Mittarfik Kangerlussuarmi Security-p atortui pingasunngornermi 10. apriili 2019 ajoquteqalersimapput. Aappaa tallimanngornermi 12. apriili 2019 iluarsivoq aappaatali taartissaa teknikerilu suliarinninnissamut akuersissutilik suli utaqqineqarput.
Taamaammat isumannaallisaalluni tigummiarlugit nassatanik misissuineq ilaatigut assaat atorlugit ingerlanneqarpoq.
Mittarfik Kangerlussuaq ilisimatitsivoq maannamut timmisartut aallarfissartik eqqorlugu aallartarsimasut ilaasullu paasinnilluarsimasut.
Pilersaarutit malillugit teknikerimik Danmarkimit ataasinngornermi 15. apriili 2019 tikittoqartussaagaluarpoq. Tamannali iluatsinngilaq suliffeqarfillu iluarsaassisussap ilisimatitsinissaa Mittarfeqarfinnit utaqqineqarpoq.
Tusagassiortut attavissaat:
Paornánguaq Kleist
Attaveqaqatigiinnermut pisortaq
+299 59 74 74
paok@mit.gl
