Mittarfik Sisimiut Mittarfitsialattut toqqagaavoq

Mittarfeqarfinni mittarfinni pisortat ataatsimiinneranni mittarfitsialak pisarnertut ukiumoortumik toqqarneqarpoq. Mittarfik Sisimiut ukioq manna Mittarfitsialattut Pitsaassutsikkullu Nersornaasiuttakkamik nersornaaserneqarpoq.

Foto: Karl-Peter Hansen

 

Mittarfeqarfinni pisortaq Marie Fleischer oqarpoq:
– Mittarfeqarfinni sulissutigiuarparput ippassarnit ullumi pitsaanerusumik sullissiuarnissarput. Ilaavorlu niuerfigisatsinnik suli pitsaanermik ikiorsiinissamik sulissuteqartuarnerput – soorlulusooq Mittarfeqarfiit isumannaatsumik sunniuteqarluartumillu ingerlattussaallutigit. Suliassaqarfinni arlalippassuarni mittarfik siuttuusutut ingerlatsimmat Mittarfik Sisimiut ukioq manna mittarfitsialattut toqqarneqarpoq.

Pisortap makku assersuutigai:
– Mittarfik Sisimiut aningaasaqarnikkut immikkut ittumik akisussaassuseqarluartumik ingerlatsisimanermik takutitsivoq, aqutsisut sapiissuseqarnerminnik iliuuseqarnermillu takutitsillutik – aamma aalajangiineq nuannarineqanngikkaluarpat. Tunngavigisarlu alla aamma tassaavoq Sisimiuni Mittarfiup tamatigut pisariaqartitsisoqalernerani mittarfinnik allanik ikiuisarnera. Mittarfiup ingerlanneqarneranut mittarfimmi kikkut tamarmik suliaqarfigalugu ilaapput – aamma mittarfiup pisortaa – kuffertinik nuussuisoqassappat, mittarfimmi upalungaarsimaneq attatarineqassappat, imaluunniit niuerfigisatta ingerlaqqinnerani utaqqisarfimmi saliisoqassatillugu.

Mittarfik Sisimiuni pisortaq, Bo Olsen assut tulluusimaarpoq, nersornaammullu ataqqinaat sulisuminut ingerlateqqippaa, qularutiginngilaalu nersornaatip iliuuserisat nanginnissaannut kaammattuillunilu siunissamut suli pitsaanerulersaassasoq.

’Mittarfitsiak’-p saniatigut aamma ’Pitsaassutsimut Nersornaat’ tunniunneqartarpoq, taannalu Mittarfik Sisimiunut ukioq manna aamma nersornaasiunneqarpoq, mittarfimmi isumannaallisaasarnermik suliaqartuarnissamut akuersaartumik allannguutinullu piareersimanerannut tunngasuutinneqarluni. Mittarfeqarfinni qullersaqarfimmi sullissivitsialattut Quality & Safety-mik immikkoortoqarfimmi OPSCOM ukioq manna nersornaaserneqarpoq.

Sulisunit ukiut tamaasa iliuuseqarnerujussuarmik ataqqinninniarluni, mittarfinni suliaanut tunngatillugu sianiginninnissamik pilersitsiniarluni nersornaasiuttakkat ukiut tamaasa Mittarfeqarfinnit agguaanneqartarput.

 

Attaveqarfissaq:
Paornánguaq Kleist

Mittarfeqarfinni attaveqaqatigiinnermut pisortaq
Mobil +299 59 74 74
E-mail paok@mit.gl

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores hotel i Narsarsuaq

Læs mere