Mittarfinnik atuinermut akigititat akiliutillu 2023-imi januaarip aallaqqaataaniit qaffanneqassapput
Qulimiguulinnut mittarfinnik suluusalinnullu mittarfinnik atuinermut akigititat akiliutillu 2023-imi januaarip aallaqqaataaniit qaffanneqarnissaat Mittarfeqarfiit matumuuna nalunaarutigaat.
Akit ukiuni marlunni qaffassimanngikkaluit, aningaasat naleerukkiartuinnarnerisa kingunerisaanik Mittarfeqarfiit ajoraluartumik Kalaallit Nunaanni Naatsorsueqqissartarfiup atuisunut akit tamakkiisumik naleqqersuutaat naapertorlugu akinik 2,2 %-imik qaffaasariaqalerput.
Nunarsuaq tamakkerlugu aningaasat naleerukkiartuinnarnerat akit avataaneersut suliffeqarfimmit iliuuseqarfigineqarsinnaanngitsut pissutaallutik- nalinginnaasumik suliffeqarfiup aningaasartuutaasa qaffannerannik kinguneqarpoq.
Akit pisariaqarluinnartumik taamaallaat qaffanneqarnissaat Mittarfeqarfinni aqutsisut pingaartippaat. Nunani pisiniarnermi pingarutilinnik suleqatigiiffigisatsinni aningaasat naleerukkiartornerat annertunerugaluaq, akinik nalinginnaasumik 2,2 %-imik qaaffaaneq Mittarfeqarfinnit naapertuussorineqarpoq.
Akit nutaat uani takkuneqarsinnaapput.
