Sermeq Nuup Mittarfiata ingerlanneqarneranut akornutaasoq

Timmisartut Nuummut mikkiartornerannut sumiissusersiut Localizer-imik taaguutilik sermeqarpallaarnera pissutigalugu ingerlanngilaq. Tamatuma kingunerisaanik timmisartuussinerit arlallit taamaatinneqarsinnaapput, timmisartut utertarsinnaapput aammalu silap isikkivilunnera putsullu pukkipallaarnerat pissutigalugu timmisartorneq sivisunerusinnaavoq.

Localizer-ip sermersimanera pissutigalugu sila isikivilutsillugu putsullu pukkitsillugit timmisartut Kitsissut qulaallugit mikkiartortariaqartarput, timmisartut uuttuutaat atorneqarsinnaatinnagit mikkiartornermi paasissutissanik tigooqqaaneq Kitsissuni antenne aqqutigalugu pisariaqartarmat.

Localizer-ip atorneqarnissaanut taarsiullugu uuttuutit atorlugit timmisartut mikkiartorneranni isikkivik pitsaanerusariaqarpoq putsullu portunerusariaqarlutik. Tamanna piffissap timmisartorfiusup sivisuneruneranik, timmisartuussinernik taamaatitsinermik imaluunniit timmisartut uternerinik kinguneqarsinnaavoq.

Sermeq teknikkikkut atortunut akornutaasoq Quassussuup saavani tatsimeersuuvoq. Tatsip imaa sermip iluatigoorluni mittarfiup tungaanut kuuppoq. Tassani qerisarpoq, tamatumalu kingunerisaanik sermeq alliartortarpoq.

Mittarfeqarfiit naliliinerat malillugu sermeq 25.000 kubikmeterinik annertussuseqarpoq, Nuummilu mittarfiup pisortaa Jimmy Gudmandsen nassuiaavoq:

“Sermeq Localizer-ip maligaasaanut akornusersuisoq allisimavoq issutsissimallunilu. Sumiiffinni amerlasuuni sermeq 2 meterit tikillugit issussuseqarpoq. Sermip iluatigut erngup kuunnerani qerisarneranilu sermeq suli issutsikkiartorpoq. Siornatigut sumiiffiup taassuma sermernera takusaraluarparput, kisiannili aatsaat sermip taamak annertutigisumik issutsikkiartuinnarnera aatsaat takuarput.”

Quassussuup tasianiit erngup kuuffiata aasamut allanngortinneqarnissaa pillugu Mittarfeqarfiit kommuni oqaloqatigaat, maanna erngup kuuffia ajoraluartumik antennit saavanni sermimik annertusiartortitsisarmat.

Mittarfeqarfinniit aamma Air Greenlandimiit angalasartut eqqugaasartut utoqqatserfigaavut.

Annertunerusumik oqaaseqarusunnermi:
Mittarfeqarfiit, mittarfiup pisortaa Jimmy Gudmandsen tlf. 55 44 91
Air Greenland, timmisartuussisarnermut pisortaq Jacob Nitter Sørensen tlf. 52 23 10

Iskappe ved Nuuk Lufthavn

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores hotel i Narsarsuaq

Læs mere