Ukkusissami seqersittakkanik takutitsineq alutornartoq

Nuummi innuttaasut Qinngutsinni qaqqami Ukkusissami seqersittakkanik takutitsinersuaq sapaatip akunnerani 4-mi alutorsaatigisinnaassavaat.

Unnuk kulturisiorfik COVID-19 pissutigalugu taamaatiinnarneqarpoq, taamaattumillu sapaatip akunnera nuannarineqarluartoq malunnartinniarlugu Nuummi suliffeqarfissuit arlallit suleqatigiillutik Ukkusissami seqersittakkat atorlugit takutitsissapput.

Suliffeqarfiit Royal Arctic Line, Air Greenland, TELE-POST, Nukissiorfiit kiisalu Mittarfeqarfiit isiginnaagassiornermi teknikeri Naleraq Eugenius suleqatigalugu seqersittakkanik takutitsineq piviusunngortippaat.

Suliffeqarfiillu ima oqaaseqaateqarput: ”Innuttaasunik ukioq manna pulaartoqanngitsoornissarput eqqumiilluinnassaaq, unnuk kulturisiorfik  tamatta qilanaarisaqigatsigu. Pulaartiginissarsi amigaatigissavarput, aggersinnaannginnassilu paarlattuanik naapissavatsigit.

Peqatigiilluta assigiinngitsunik suleriuseqarluta attaveqaasersuutinik suliaqartuuvugut. Innaallagiaq, silaannakkut angallanneq, imeq, attaveqaqatigiinneq, assartugalerineq qanimullu suleqatigiinneq aqqutigalugit. Pisortat piffissami immikkut ittumi immitsinnut qanillinaversaaqqulluta innersuussinerannut malinninnissarput pingaartuuvoq, taamaattumillu kikkunnit tamanit ungasianit alutorsaatigineqarsinnaasumik seqersittakkat atorlugit takutitsinermik ilissinnut tunissuteqarusuppugut.

Aamma isiginnaagassiornermi teknikerip Naleraq Eugeniusip suleqatiginera nuannaarutigaarput. Kulturip imarisai sorpassuusinnaapput. Isikkoq, kinaassuseq, inuit pinngorartitsisut allallu.”

Naleraq Eugenius: ”Suliniummut pissanganartumut tassunga peqataasinnaanera uannut nuannivissorpoq. Soorunami unnuup kulturisiorfiup taamaatinneqarnera uggornarpoq, peqatigiillutali innuttaasunut misigisassamik tamatuminnga tunniussaqarsinnaanerput nuannaarutissaavoq. Peqatigiilluni kivitsisoqarneratigut suut pisinnaalersarnerat pikkunaqaaq.”

Seqersittakkanik takutitsineq Nuummiinnaq pissaaq, sinerissamiittulli aaqqissuisunit puigorneqanngillat. Taamaattumik suliffeqarfiit tamarmik immikkut assinik Facebookiminni ikkussuiniarput, innuttaasut sinneri seqersittakkanik takutitsinermik kusanartumik aamma nuannaaruteqarsinnaaniassammata.

Seqersittakkanik takutitsineq januaarip 28-anniit februaarip aallaqqaataata tungaanut, nal. 16:00-imiit 21:00 tungaanut takuneqarsinnaassaaq.

 

 

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores hotel i Narsarsuaq

Læs mere