AFIS-operatørertaaq
Mittarfeqarfiit Ilulissani Stine N. Danielsen ulloq 31. aggusti AFIS-operatøritut ilinniarnerminik naammassivoq.
2019-imi oktobarimi AFIS-inngorniartutut aallartippoq.
”Timmisartukkut angallanneq attaveqaqatigiinnerlu soqutiuarakkit ilinniagaq toqqarpara. Taamaattumik AFIS tamaasa kattunnissaannut periarfissatsialaavoq.”
Qaammatit marluk affaanilu Kangerlussuarmi tunngaviusumik atuagarsornertaa Stine N. Danielsenip aallartissutigaa.
“Tassani ilaatigut timmisartukkut angallannermi malittarisassanut, sumiissusersiortarnermut silasiortarnermullu tunngasut suut tamaasa paasisaqarfigaakka, tamakkulu aqqutigalugit suliaqarfiusumut tunngaviusumik paasinnilluarpunga. Tamatuma kingorna qaammatini marlunni Københavnimiippunga, tassanilu Global ATS-imi simulatorimiippunga (suliffimmut assingusumik sungiusartarfimmi). AFIS-imiinnerup qanoq ittuunera tassani misigaara, aammalu Kangerlussuarmi atuagarsornertaanik qanoq atugaqassanerput misilillugu.”
Simulatorimi naammassigami suliffimmi sungiusartarneq aallartippaa (on-the-job-trainingi).
”Tamanna Ilulissani pivoq, namminerlu tamaani najugaqannginnama, aammalu taamaallaat Kangerlussuarmiissimagama Kalaallit Nunaata annertunerusup takunissaa qilanaaraara. On-the-job-trainingernerma nalaani piginnaasakka ineriartorteqqippakka, aammalu atuagarsornerup simulatorimilu pisuni pissarsiattut misilittakkakkat atorlugit.”
”Ilinniagaqarnermik ingerlatsininni tamarmiusumi ilitsersuisartut inussiarnerlutillu pimoorussisut naapittarpakka, taakkulu atuagarsornerup, simulatorip aamma on-the-job trainingerninni artorsartarfimma nalaani ikiortuartarpaannga. Ukioq pissanganarlunilu ulapaarfiusimaqaaq, nuannersorpassuarnik eqqaamasassiisoq, suliffimmi avataanilu. Maannakkut inaarutaasumik suna inissiffigissallugu naluara, Mittarfeqarfinnili ukiut takkuttussat qilaraakka.”
Mittarfinnik ingerlatsinermi AFIS-operatørit qitiusumik inissisimaffeqarput. Ukiuni kingulliunerusuni Mittarfeqarfiit AFIS-operatørinik arlalinnik naammassinnittunik ilinniagaqartitsisimavoq.
Stine N. Danielsen ilinniakkaminik naammassisaqarneranik pilluaqquarput.
