Helikopterit mittarfiisa killingini qulleeqqanik aserorterineq

Upernaviup pigisaani helikopterit mittarfiisa killingini qulleeqqanik arlaleriarluni aserorterisoqarsimanera Mittarfik Upernavimmit aqqusaarneqarpoq.

Helikopterit mittarfii tarsinerani atorneqarsinnaassappata qulleqartariaqarput. Massakkut ukiup taarsinerani mittarfiit killingini qulleeqqat suli pingaaruteqarnerulerput.

Aasaq mannaannaq Upernaviup eqqaani Innaarsunni Nuussuarmilu helikopterit mittarfiisa killingini qulleeqqat aserorteriffigineqarsimapput. Innaarsunni massakkut aamma aserorterisoqaqqissimavoq, taamaammallu nutaanik qulleeralersorneqaqqittariaqalerlutik.

– Qulliit pineqartut immikkuullarissuupput piniaraanni sapaatit akunnerini pingsuni sisamani sivisutigisumik utaqqisariaqartartut, tikippatalu aatsaat taarsersuisoqarsinnaalluni. Aserorterinerit ajornerpaamik malitsigisinnaavat helikopterinut mittarfiup matuneqarnera aserortikkat iluarsinissaasa tungaannut. Helikopterinut mittarfiup matoqqanerata nalaani ilaasunik silaannakkut angallassisoqarsinnaassanngilaq, inuunermullu pingaarutilinnik iliuuseqarnernut, soorlu napparsimasunik angallassinernut, pisarissersuutaassalluni. Assigiinngitsunik pilersuinernut aamma sunniuteqarsinnaavoq, Mittarfeqarfinni ingerlatsinermut pisortaq, Brian Biilmann Hjortborg, oqarpoq.

Air Greenland oqaaseqarpoq:
– Helikopterit mittarfiisa killingini qulliit amigarpata helikopterinik timmisartuussinitsinnut sunniuteqarsinnaavoq. Helikopterit mittarfiisa killingini qulleqarnissaanik inatsisitigut piumasaqaateqarpoq, ajoraangatalu nunaqarfinnik timmisartuussisinnaanatalu taamaalioqqusaanngilagut, Air Greenlandimi timmisartuussinermut pisortaq Lars-Henrik Thorngreen oqaluttuarpoq, nangillunilu: – Aamma helikopterimik ingerlatsinitsinnut ajornartoriortitsisinnaavoq, qulleeqqat ajoquteqarneranni ajornartoortoartillugu miffissat ikilissammata. Ilanngullugu taarnerani timmisartuussinermut malittarisassat sukanganerunerat pissutigalugu Upernaviup nunaqarfiinut novembarimi, decembarimi januaarimilu helikopterimik qaamanerani tarrajussineranilu timmisartuussinerit killeqareerput. Mittarfiit killingini qulleeqqat ajorpata ullormut timmissartuussinerit pinngitsoorsinnaapput.

Mittarfiit killinganni qulliit akisullutillu immikkuullarissuupput silaannakkut angallannermut atortussiat.

 

Tusagassiortut Mittarfeqarfinni attavissaat:
Paornánguaq Kleist
Mittarfeqarfinni attaveqaqatigiinnermut pisortaq
Mobil +299 59 74 74
E-mail paok@mit.gl

Tusagassiortut Air Greenlandimi attavissaat:
Katrine H. Nathanielsen
Air Greenlandimi attaveqaqatigiinnermut pisortaq
Mobil +299 56 23 79
E-mail KNathanielsen@airgreenland.gl

 

Sociale medier

Følg med i dagligdagen i de grønlandske lufthavne!

Du finder os på følgende sociale medier...

Uddannelse og job

Er du vores nye mekaniker, kok eller indsatsleder?

Se alle vores muligheder for både uddannelser og job...

Læs mere
Services

Ønsker du reklame eller lejemål i vores lufthavne?

Udover drift af vores lufthavne byder vi på et hav af services...

Læs mere
Hoteller

Mangler du et sted at spise eller sove?

Besøg vores hotel i Narsarsuaq

Læs mere