Nerlerit Inaat ukiup mittarfiatut toqqagaavoq
Nerlerit Inaat Tunup Avannaaniippoq, sulisullu tamakkiisumik namminersorsinnaassutsimik ingerlatsillaqqinnermillu takutitaqarsimapput, qaqutiguunngitsukkut tigussaasutut atugassarisani artornalutillu tamaviaarfiusuni.
Qullersatut pisortaq Henrik Estrup toqqaanermut tunngatillugu oqarpoq:
”Avinngarusimasutut inissisimaffiup sulisut pisortallu assorsuaq piginnaasaqarlutillu pilersitsiumatuut pisariaqartippai. Arnat angutillu ”eqqortumik pissuseqartut” – ”the right stuff”, tamakkulu mittarfimmiittuupput.”
”Mittarfimmi sulisut pisortallu sungiussiassutsimik takutitaqarput, aammalu mittarfimmik inuiaqatigiinnillu ikittunik inuttalinnik pissutsit artornartut atorlugit ingerlatsinissamik sammisaqarlutik. Tamanna assut isumannaallisaanermik sammisaqarluni mittarfimmik ingerlatsinermik, findingsinik ikittunik peqartumik kinguneqarsimavoq, tassaallutik piumasaqaatinut, tulluartumillu angallannerit assigiiaartumik ingerlasarnerannut naleqqiullugit sanioqqussinerit.”
Aamma Mittarfiup periusissiaanik mittarfik sammisaqartuusimavoq, ilaatigut ilaasunik samminnittumik, aammalu Nordland Air’imik aamma Air Greenlandimik pitsaasumik kinguneqarluartumillu suleqatigiinnermik sammisaqartumik.
Ittoqqortoormiinut kisiartaalluni attaveqarfiunermigut, aammalu Tunup Avannaanut tamarmut isaariaanermigut mittarfiup inuunermut pingaarutilittut inuiaqatigiinni atuuffigisai sammillugit mittarfik ingerlanneqarpoq.
Naak ”aningaasaqarnikkut iluanngilluinnartutut” atugassaqaraluarluni pissutsini atugarisani niuerfiup pitsaanerpaa pissarsiariniarlugu anguniarneqartuarpoq. Mittarfimmi aaqqissuussiffimmik nukittuumik pisortat pilersitsisinnaasimapput. Tamatuma ilaatigut sulisuni iluarinninneq nassataraa, qanga pisimasunut naleqqiullugu sulisut annikinnerusumik taarseraannerisigut takuneqarsinnaasumik.”
Nuummi Mittarfeqarfiit mittarfii tamavimmik mittarfinnit pisortanit sinniisuuffigineqartumi aaqqissuussinermi mittarfiup pisortaa Robert Schilling Larsen ataqqinaatitut nersornaat arfininngormat pissarsiaraa.
